Արխիւ

ԺԻՐԱՅՐ ՉՈԼԱՔԵԱՆ

Հայաստան դասուած է աշխարհի տասն ամենէն ապահով երկիրներու շարքին։ Բայց եւ այնպէս, 2022 տարուան ընթացքին Հայաստանի մէջ պատահած է յանցագործութեան 37 հազար 612 դէպք՝ նախորդ տարուան համեմատաբար 24.4 տոկոս աճ արձանագրելով։

Տերէք Հոկանի հետ հեռախօսազրոյցէ վերջ, Արարատ Միրզոյեան այս առաւօտ ընդունեց Պույար Օսմանին:
Երեւան եւ Պաքու ներկայիս կանաչ լոյս կը վառեն Մոսկուայի մէջ բանակցելու համար: Չավուշօղլու զրուցեց Պայրամովի հետ: արեւմուտքէն միշտ կը հնչեն կոչեր:
«Առանց Լեռնային Ղարաբաղի ժողովուրդի իրաւունքներու եւ անվտանգութեան խնդիրներու հասցէագրման՝ իրատեսական չի համարուիր տարածաշրջանէն ներս երկարատեւ խաղաղութեան ու կայունութեան հաստատումը»:

Կէտիկփաշայի «Հրանդ Տինք» վարժարանին մէջ արդէն հնչեց 2022-2023 կրթական շրջանի վերջին զանգը։ Դպրոցէն ներս տարեվերջի հանդիսութիւնը առիթ հանդիսացաւ մեծ խանդավառութեան։

Կեդրոնական վարժարանէն խումբ մը սաներ վերջերս մասնակցութիւն բերին «Մոտել-Միացեալ ազգերու կազմակերպութիւն» (Model United Nations-MUN) հաւաքին, որ տեղի ունեցաւ Ռումանիոյ մայրաքաղաքը՝ Պուքրէշի մէջ։ Սա հետաքրքրական ծրագիր մըն էր, որ կեդրոնականցիներուն առիթ ստեղծեց Եւրոպայի զանազան քաղաքներէ երիտասարդներու հետ մէկտեղուելու եւ քննարկումներ ծաւալելու՝ ՄԱԿ-ի ձեւաչափերու նմանութեան մէջ։

ԱՐԵՒԻԿ ՊԱՊԱՅԵԱՆ

-Մայրի՛կ, երբ ես մեծնամ դուն պիտի պզտիկնա՞ս:
-Այո՛, Զաւէն:
-Իսկ քու մասին ո՞վ հոգ պիտի տանի:
-Դուն,- առանց վարանելու պատասխանեցի:

ԳԷՈՐԳ ՊԵՏԻԿԵԱՆ

Ամէն անգամ, երբ տարեդարձի մը ներկայ գտնուիմ եւ կամ անոր մասին խօսուի, կեանք կոչուած այս առեղծուածին դիմաց, ինքնաբերաբար տրամադրութիւնս զիս տարբեր ուղիներ կ՚առաջնորդէ: Ու այս առթիւ, բարի մաղթանքներուս մէջէն, երբեմն ես ինծի հարց կու տամ, թէ ի՞նչ է այս տարիք ըսուածը, որ Աստուածային հաճելի ու մեծ պարգեւ մը ըլլալով հանդերձ, շատ յաճախ ալ շատերու համար ճիշդ հակառակը՝ տխուր, անկանոն շարուածքով, տաղտկալի ու տաժանելի տարիներու գումար մըն ալ է:

ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ

Ժամանակը եւ միջավայրը կ՚ազդեն եւ կրնան բարեփոխել մարդկային կեանքը։ Կ՚ըսեն, որ ժամանակը շատ բաներու դարմանն է։ Չենք կրնար ըսել, թէ՝ ժամանակը ամէն բանի դարմանն է, բայց ժամանակի ընթացքին կրնայ փոխուիլ շա՜տ բան. զոր օրինակ՝ տկարը կրնայ զօրանալ, հիւանդը կրնայ բժշկուիլ, աղքատը կրնայ հարստանալ եւ երիտասարդը կրնայ հասուն տարիքի հասնիլ՝ հասուն տարիք ունեցողները տարեցներ կ՚ըլլան։

ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ

Առանց արեան կեանք գոյութիւն չ՚ունենար։ Ուստի Յիսուս Քրիստոսի «մարդկային արիւն»ը, ոչ միայն ֆիզիքական կեանք կու տայ, այլ՝ «յաւիտենական կեա՛նք»։
Մարդկային մարմնին մէջ տարբեր բազմաթիւ հիւսկէններ (tissues) կան։ Եւ հաստատուած են մարմնին մէջ, որոնք որոշ պաշտօններ ունին։

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ Գումգաբուի մէջ հիւրընկալեց քաղաքիս քրիստոնեայ յարանուանութիւններու եւ քոյր համայնքներու հոգեւոր առաջնորդները, որոնք փութացած էին Քրիստոսի Հրաշափառ Սուրբ Յարութեան տօնը շնորհաւորելու։