Արխիւ

«Ակադեմիայի փառահեղ ժառանգութիւնը ապագայի համար ռազմավարական ներդրում ընելու առումով անհրաժեշտ ու շատ կարեւոր գործօն է»:
Վարչապետ Նիկոլ Փաշինեան Հայաստանի ապագան կը տեսնէ գիտութեան ու կրթութեան մէջ, իսկ ակադեմական քաղաքը կրնայ յեղափոխական նշանակութիւն ունենալ:

Հայաստանի վարչապետ Նիկոլ Փաշինեան երէկ հեռախօսազրոյց մը ունեցաւ Իրանի նախագահ Իպրահիմ Ռայիսիի հետ։ Երեւանի աղբիւրները հաղորդեցին, որ քննարկուեցան Հայաստան-Իրան յարաբերութիւններու օրակարգային հարցերը, նաեւ անդրադարձ կատարուեցաւ երկկողմանի համաձայնութիւններու իրականացման ընթացքին։

Հայաստանի արտաքին գործոց նախարար Արարատ Միրզոյեան հիւրընկալեց միջազգային ճգնաժամային խումբի նախագահ Քոմֆորտ Էրոն, որ վերջին օրերուն այցելեց Երեւան։ Պաշտօնական աղբիւրներու հաղորդումներով, զրուցակիցները կարծիքներ փոխանակեցին տարածաշրջանային անվտանգութեան վերաբերեալ հարցերու շուրջ։

Հայաստանի վարչապետ Նիկոլ Փաշինեան յայտարարեց, որ Լեռնային Ղարաբաղի հիմնախնդրի կարգաւորման բանակցային գործընթացին մէջ երբեւէ չէ եղած տարբերակ մը, որով առաջարկուած է խնդրի լուծումը։
Երէկ երեկոյեան, Հայաստանի Հանրային հեռուստատեսութենէն սփռուեցաւ Նիկոլ Փաշինեանի հետ հարցազրոյց մը, որու ընթացքին ան անդրադարձաւ Լեռնային Ղարաբաղի հիմնախնդրին, Հայաստան-Ատրպէյճան յարաբերութիւններուն, Հայաստան-Ռուսաստան առկայ տարաձայնութիւններուն եւ «Խաղաղութեան խաչմերուկ» նախագծին։ 

Պէյօղլուի Ս. Երրորդութիւն եկեղեցւոյ մէջ երէկ ոգեկոչուեցան երանաշնորհ Տ.Տ. Յակոբ Ջուղայեցի Ամենայն Հայոց Հայրապետը, ինչպէս նաեւ Պատրիարքական Աթոռի երջանկայիշատակ գահակալներէն Տ. Իգնատիոս Արք. Քաքմաճեան։

ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ

Կեանքի մէջ այնպիսի պահեր կան, որ մարդ երջանկութեան կամ ապերջանկութեան հարց չ՚ունենար։ Երբ մարդուն բոլոր էական պահանջները կատարուած են՝ ուրախ է, բայց արդեօք երջանի՞կ է։

Հայաստանի մէջ NETFLIX-ի համար պիտի նկարահանուին ժապաւէններ ու ֆիլմաշարեր։ Հայաստանի Ազգային ժողովի Գիտութեան, կրթութեան, մշակոյթի եւ մարմնամարզի հարցերու մշտական յանձնաժողովի նախագահ Սիսակ Գաբրիէլեան տեղեկացուց, որ Գերմանիայէն յայտնի դերասան ու արտադրիչ Թիլ Շվայկեր վերջերս այցելած է Երեւան։

Հայաստանի Գիտութիւններու ազգային ակադեմիան կ՚ողջունէ իր հիմնադրութեան 80-ամեակը:
Աշոտ Սաղեան երէկուան յատուկ նիստի ընթացքին անհրաժեշտ նկատեց բարեփոխումներու ծրագրի կեանքի կոչուիլը:

ՄԱԿ-ի ընդհանուր քարտուղար Աթոնիօ Կութերեսի բանբերը՝ Սթեֆան Տիւժարիք յայտարարեց, որ վերջին քանի մը շաբաթներու ընթացքին Հայաստանի եւ Ատրպէյճանի յարաբերութիւններու կարգաւորման ուղղութեամբ զգալի քայլերու ձեռնարկուած են։