Արխիւ

Գնալը կղզիի մէջ այս տարի եւս տեղի կ՚ունենայ «Մենք երգ ենք» խորագրեալ երիտասարդաց համերգաշարը։ 2024 թուականի ամրան առաջին ձեռնարկը տեղի ունեցաւ երէկ երեկոյեան Ս. Գրիգոր Լուսաւորիչ եկեղեցւոյ բակին մէջ։

ՇԱՀԱՆ ԳԱՆՏԱՀԱՐԵԱՆ

Երեւանի կողմէ Պաղեստինի պետութիւնը ճանչնալու որոշումը կը դիտարկուի՝ միջազգային ընտանիքին մէջ արծարծուող երկու պետութեան բանաձեւի շրջանակներէն ներս։
Պաշտօնական հաղորդագրութեան մէջ կան բաղադրիչներ, որոնք կ՚ընդգծեն կողմերուն նկատմամբ հաւասար հեռաւորութիւն պահելու կանոնի գործադրութիւնը:

Ամերիկայի Միացեալ Նահանգները Հայաստանն ու Ատրպէյճանը հրաւիրեցին ՆԱԹՕ-ի գագաթաժողովին:
Օ՚Պրայըն եւ Պայրամով աչքէ անցուցին Երեւան-Պաքու խաղաղութեան պայմանագրի շուրջ բանակցութիւններու ընթացքը:

ՍԱԳՕ ԱՐԵԱՆ

Երբեք պատահական չէ վերջերս Քուէյթի պատկան մարմիններուն կողմէ հնչած յորդորը՝ արագօրէն լքելու Լիբանանի տարածքը։ Այլ հարց, թէ ցարդ ինչո՞ւ միայն Քուէյթը նման կոչով մը հանդէս եկաւ՝ զգուշացնելով իր քաղաքացիները հեռու մնալ Լիբանան ճամբորդելէ։

ՀՐԱՅՐ ՏԱՂԼԵԱՆ

Մեր մարդկային կեանքին մէջ որոշ արտայայտութիւններ ինչքան ալ անգիտակից ըսուած թուին, իրականութեան մէջ մեծ նշանակութիւն կ՚ընդգրկեն. մի քանի օրեր առաջ խօսակցութեան մը ընթացքին ականջս որսաց «եթէ տեղդ ըլլայի» արտայայտութիւնը, ինչ որ մարդկային տկարութիւններէն մէկն է. սեփական իրականութենէն փախչիլ եւ այլ գոյութիւն մը ընդունելու ձգտումը ունենալ:

Շիշլի մարզակումբը այս ամրան վերսկսած է կազմակերպել ճամբարներ։ Ամրան դասընթացքներուն զուգահեռ նախատեսուած է այս աշխատանքը։ Ներկայ շաբթուան սկիզբին պասքեթպոլի եւ վոլէյպոլի մարզիկները Հէյպէլի կղզիի մէջ ամառնային ճամբարի մը մասնակցելու փորձառութիւնը ունեցան՝ հեղինակաւոր մարզիչներու հսկողութեան ներքեւ։

Միացեալ Նահանգներու պետական քարտուղարութեան կրօնական ազատութիւններու տարեկան զեկոյցը:
Ամենայն Հայոց Կաթողիկոսին եւ Հայաստանի վարչապետին քննադատական յայտարարութիւնները ուշադրութեան առարկայ:

Տ.Տ. Գարեգին Բ. Ամենայն Հայոց Կաթողիկոսը երէկ Մայր Աթոռ Սուրբ Էջմիածնի մէջ հիւրընկալեց Հայաստանեայց Առաքելական Եկեղեցւոյ Հիւսիսային Ամերիկայի Արեւելեան թեմէն խումբ մը ուխտաւորներ։ Մասաչուսեց նահանգի Ուսթրի Ս. Փրկիչ եկեղեցւոյ ծուխի ուխտաւորները ստացան Վեհափառ Հայրապետին օրհնութիւնը։

ԳԷՈՐԳ ՊԵՏԻԿԵԱՆ

Իբրեւ կեանքի նոր դաշտանկար,
Ե՛ւ երիտասարդ, ե՛ւ անպարտելի,
Նոյնիսկ մեղքի զգացումը ապրելով,
Կարօտի բարեւ մը տուի շուրջիս… ու միացայ բոլորին…։