Արխիւ

Սուրբ Խաչ դպրեվանքի ընտանիքը խանդավառ մթնոլորտի մը մէջ հրաժեշտ տուաւ դպրոցի այս տարուան հունձքին։ Վարժարանի շրջանաւարտութեան հանդէսը համախմբեց Սուրբ Խաչ դպրեվանքի ընտանիքի պատասխանատուները, դպրոցի կրթական մշակներն ու անձնակազմը, ծնողներ եւ հիւրեր, որոնք բոլորն ալ ողջունեցին երիտասարդները, որոնց մաղթեցին ապագայ յաջողութիւններ։

ՊԻԱՆՔԱ ՍԱՐԸԱՍԼԱՆ

«Եթէ դուռ մը կը փակուի, մէկ այլ կը բացուի», ըսած է Կրահամ Պել։ Բազում գիտնականներ կամ ձեռներէցներ, իրենց առջեւ փակուած դռներու շնորհիւ անդրադարձած են իրենց սխալներուն եւ զանոնք ուղղելով հասած են յաջողութեան։

ՀՐԱՅՐ ՏԱՂԼԵԱՆ

Երբեւէ տեսա՞ծ էք ոճրագործ մը, որուն ամենէն սերտ ու սիրելի նշանաբանը ըլլայ «մի՛ սպաններ» եւ կամ պոռնիկ մը՝ որ «մի՛ շնար»ը կեանքի կարգախօս ընտրէ. եւ կամ երբեւէ տեսա՞ծ էք ազգ մը, որ ամբողջ հոգիով ու սրտով հաւատայ, որ իր «միակ փրկութիւնը հաւաքական ուժի մէջ է», սակայն հաւատալով հանդերձ իրարմէ այնչա՛փ անջատուած ու խզուած ըլլայ՝ ինչքան հայ ժողովուրդը:

ՍԱԳՕ ԱՐԵԱՆ

«Կանաչ ուժ»ը պիտի դառնայ իսկական շարժիչ մը՝ մինչ Հայաստանի պաշարներն ալ յոյս կը ներշնչեն:
Վախը, մտահոգութիւնները կամ տագնապի լեզուն չեն մարդկութիւնը վաղուան մարտահրաւէրներուն պատրաստելու համար:

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան, որ հովուական այցելութիւն մը կու տայ Կրետէ կղզի, այս ծիրէն ներս ան երէկ այցելեց Արքատիի յունաց վանքը:

Տ.Տ. Գարեգին Բ. Ամենայն Հայոց Վեհափառ Հայրապետը Մայր Աթոռ Սուրբ Էջմիածնի մէջ ընդունեց «SOS Արեւելքի քրիստոնեաներ» կազմակերպութեան ներկայացուցիչները։ Այս առթիւ Վեհափառ Հայրապետը բարձր գնահատեց Հայաստանի եւ հայ ժողովուրդի ի նպաստ այս կազմակերպութեան կողմէ ցուցաբերուած աջակցութիւնը։

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան այս օրերուն կ՚այցելէ Կրետէ կղզի, ուր հովուական այցելութիւն մը կու տայ տեղւոյն փոքրաթիւ հայութեան։

Պաքըրգիւղի ընտանիքը խանդավառ մթնոլորտի մը մէջ հրաժեշտ տուաւ Տատեան վարժարանի այս տարուան շրջանաւարտներուն։ Ծնունդ Ս. Աստուածածին եկեղեցւոյ թաղային խորհուրդի ատենապետուհի Մարի Եանճը եւ գործակից ընկերները, վարժարանի հիմնադրի ներկայացուցիչ Էլիզ Էօղրէթ, կրթական մշակներ, Պաքըրգիւղի ընտանիքի յարակից մարմիններէն պատասխանատուներ, ծնողներ եւ բազմաթիւ հիւրեր համախմբուած էին շրջանաւարտութեան հանդէսին առթիւ։

Պէյօղլուի ընտանիքը ներկայ արձակուրդի շրջանին ուխտագնացութիւն մը կատարեց դէպի Հայաստան եւ Մայր Աթոռ Սուրբ Էջմիածին։ Տ. Յարութիւն Վրդ. Տամատեանի կողմէ գլխաւորուած ուխտաւորներու խումբին մէջ էին նաեւ Պէյօղլուի սուրբ եկեղեցեաց թաղային խորհուրդի ատենապետ Աքսէլ Թոփալեան եւ իր գործակից ընկերները, իրենց ընտանեկան անդամներով հանդերձ։