Երեւանի ղեկավարութիւնը երէկ հիւրընկալեց Յունաստանի Արտաքին գործոց նախարար Նիքոս Տենտիասը, որ ընդունուեցաւ Հայաստանի վարչապետ Նիկոլ Փաշինեանի եւ Արտաքին գործոց նախարար Արարատ Միրզոյեանի կողմէ։
Հայաստանի Արտաքին գործոց նախարարութիւնը երէկ յայտարարութիւնով մը հանդէս եկաւ 44-օրեայ պատերազմի երկրորդ տարելիցին առթիւ։ Երեւանի ղեկավարութիւնը ընդգծեց, որ Պաքու այսօր ալ կը փորձէ կեանքի կոչել իր առաւելապաշտ նկրտումները։
Ֆրանսա կը պահանջէ, որ Ատրպէյճանի զօրքերը լքեն Հայաստանի տարածքը՝ վերադառնալով ելման դիրքեր:
Էմմանիւէլ Մաքրոն Նիկոլ Փաշինեանի հետ հանդիպման ժամանակ կարեւորեց Երեւան-Պաքու երկխօսութեան վերականգնումը:
Հայաստանի Առաջին նախագահ Լեւոն Տէր-Պետրոսեան երէկ ծաւալուն հարցազրոյց մը տուաւ երկրի Հանրային հեռուստատեսութեան։ Այսօր արդէն 44-օրեայ պատերազմի սկիզբի երկրորդ տարելիցն է, որու ընդառաջ հրապարակուեցաւ Լեւոն Տէր-Պետրոսեանի բացառիկ հարցազրոյցը։
Հայաստանի Անվտանգութեան խորհուրդի քարտուղար Արմէն Գրիգորեան կը շարունակէ իր շփումները Ուաշինկթընի մէջ։ Կը հաղորդուի, որ ան հարցազրոյց մը տուած է «The Washington Post»ին։
Յունաստանի Արտաքին գործոց նախարար Նիքոս Տենտիաս այսօր աշխատանքային այցելութեամբ կը ժամանէ Երեւան, ուր կը հիւրընկալուի Հայաստանի Արտաքին գործոց նախարար Արարատ Միրզոյեանի կողմէ։ Երկու նախարարները կ՚ունենան առանձնազրոյց մը եւ կը գլխաւորեն պատուիրակութիւններու բանակցութիւնները։
Ռուսաստանի Պետական տումայի նախագահ Վիաչեսլաւ Վոլոտին դէպի Պաքու այցելութեան ծիրէն ներս երէկ ընդունուեցաւ Ատրպէյճանի նախագահ Իլհամ Ալիեւի կողմէ։ Վոլոտին Պաքուի մէջ մէկտեղուեցաւ նաեւ Ատրպէյճանի խորհրդարանի ղեկավարութեան հետ։
Մեծն Կոմիտաս Վարդապետի ծննդեան 153-րդ տարեդարձը երէկ նշուեցաւ Երեւանի մէջ։ «Արմէնփրէս»ի հաղորդումներով, այս առթիւ խումբ մը մտաւորականներ ծաղիկներ խոնարհեցին Կոմիտաս Վարդապետի շիրիմին մօտ, որ կը գտնուի Երեւանի համանուն պանթէոնին մէջ։
Ամերիկայի Միացեալ Նահանգները կը շարունակէ անմիջական ուշադրութիւն ցուցաբերել Հարաւային Կովկասի իրադարձութիւններուն նկատմամբ՝ մասնաւորապէս կրկնելով իր մտահոգութիւնները Հայաստան-Ատրպէյճան սահմանի իրադրութեան վերաբերեալ։ Առկայ լարուած մթնոլորտին մէջ Ուաշինկթըն հերթական անգամ կոչ ուղղեց, որպէսզի Պաքու իր զօրքերը ետ քաշէ։
Նիւ Եորքի մէջ վերջերս տեղի ունեցաւ «Խղճի կոչ» (Appeal of Conscience Foundation) հիմնարկի տարեկան կալա-ընթրիքը, որ կազմակերպուած էր «Սեն Փիէռ» պանդոկին մէջ։ Իր տեսակին մէջ 57-րդ այս հաւաքոյթին ժամանակ յանձնուեցաւ նախաձեռնարկ հիմնարկի «Համաշխարհային պետական գործիչ»ի մրցանակը։
