Սփիւռքահայ վարժարաններն ու անոնց շրջանաւարտները խրախուսելու ճանապարհին վերջին շրջանին ձեւաւորուած շատ դրական ու ողջունելի նախընթացի մը վերածուած է «Սուրբ Ներսէս Շնորհալի» տարեկան մրցանակը, որ հաստատուած է՝ քուէյթահայ գործարար, հասարակական գործիչ ու բարերար Կիրակոս Գույումճեանի նախաձեռնութեամբ։
Ամերիկայի Միացեալ Նահանգներու Ներկայացուցիչներու տան նախագահ Նենսի Փելոզի շաբաթավերջին շփումներ ունեցաւ Երեւանի մէջ, ուր Հայաստանի ղեկավարութեան կողմէ հիւրընկալուեցաւ ամենաբարձր մակարդակի վրայ։ Ատրպէյճանի կողմէ Հայաստանի վրայ կատարուած յարձակումներու մթնոլորտին մէջ տեղի ունեցաւ այս այցելութիւնը, որ ձեւով մը Ուաշինկթընի կողմէ Երեւանի ի նպաստ ամենաբարձր մակարդակի վրայ արտայայտուած զօրակցութեան մը դրսեւորումը կը համարուի։
Վեհափառ Հայրապետին եւ Հայաստանի Հանրապետութեան առաջին նախագահին միջեւ հանդիպումներ:
Արտաքին անվտանգութեան եւ ներքին քաղաքական ծայրայեղ իրավիճակին հարցերը յաղթահարելու ուղիներուն շուրջ տարեսկիզբէն ի վեր արդէն երկու տեսակցութիւն տեղի ունեցած է Լեւոն Տէր-Պետրոսեանի եւ Նորին Սրբութեան միջեւ:
Երեւանի մօտ հաւատարմագրուած դեսպաններն ու միջազգային կազմակերպութիւններու դիւանագիտական առաքելութիւններու ղեկավարները տեղւոյն վրայտեղեկութիւններ ստացան՝ Ընդհանուր սպայակոյտի նախագահ զօրավար էտուարտ Ասրեանի կողմէ։ Հայկական կողմը կը բարձրաձայնէ ՀԱՊԿ-էն յուսախաբութիւնը: Ատրպէյճան 8.5 քիլօմեթր լայնութեամբ ճակատով՝ մինչեւ 7.5 քիլօմեթր խորութեամբ մխրճուած է Հայաստանի ինքնիշխան տարածք. իր բանակի որոշ խումբեր եւ ջոկատներ կը գտնուին հայկական զօրքերու հսկողութեան տակ, նաեւ շրջափակման մէջ, իր զինեալ ուժերը նախապէս Ջերմուկ քաղաքի 11-12 քիլօմեթր հեռաւորութեան վրայ կը գտնուէին, այժմ 4.5 քիլօմեթրի վրայ են, բայց նոյնպէս շրջափակուած:
Շանկհայի համագործակցութեան կազմակերպութեան՝ Սամարղանտի մէջ կազմակերպուած գագաթաժողովը՝ մանաւանդ երկկողմանի հանդիպումներու կտրուածքով, Հարաւային Կովկասի հրատապ իրադարձութիւններու քննարկման կարեւոր հարթակ մը հանդիսացաւ։ Տարածաշրջանի հիմնական դերակատարներու մեծամասնութիւնը ներկայացուած էր ամենաբարձր մակարդակի վրայ։ Հանրապետութեան նախագահ Ռեճեփ Թայյիպ Էրտողան երէկ հանդիպումներ ունեցաւ Ռուսաստանի նախագահ Վլատիմիր Փութինի եւ Իրանի նախագահ Իպրահիմ Ռայիսիի հետ։
Դեսպան Մհեր Մարգարեան. «Մենք կը ստանանք հաղորդումներ, ըստ որոնց փխրուն հրադադարը վտանգի տակ է։ Կան հաւաստի ապացոյցներ, թէ Ատրպէյճան նոր յարձակման կը պատրաստուի՝ ներառեալ Նախիջեւանի կողմէն, որպէսզի հասնի իր նպատակին եւ Հայաստանի տարածքով բանայ արտատարածքային միջանցք»:
Երեւանի մէջ դարձեալ տեղի ունեցաւ Անվտանգութեան խորհուրդի նիստ։ կառավարութեան ժողովին ընթացքին վարչապետը տեղեկացուց, որ հայկական կողմը արդէն 135 նահատակ ունի, սակայն այս թիւը տակաւին վերջնական չէ։ Նիկոլ Փաշինեան իրերայաջորդ հեռախօսազրոյցներ կ՚ունենայ Վլատիմիր Փութինի, Էմմանիւէլ Մաքրոնի եւ Էնթընի Պլինքընի հետ։
Ռուսաստանի Արտաքին գործոց նախարարութեան բանբեր Զախարովա յայտարարեց, որ կողմերու միջեւ խաղաղութեան պայմանագրի նախապատրաստական աշխատանքները չեն դադրած, հակառակ լարուածութեան։
Շանկհայի համագործակցութեան կազմակերպութեան՝ այս օրերուն Սամարղանտի մէջ կազմակերպուած գագաթաժողովն ալ առիթ կը հանդիսանայ Հայաստան-Ատրպէյճան տագնապի քննարկման։ Սամարղանտի մէջ են Հանրապետութեան նախագահ Ռեճեփ Թայյիպ Էրտողան, Ռուսաստանի նախագահ Վլատիմիր Փութին, Ատրպէյճանի նախագահ Իլհամ Ալիեւ, Իրանի նախագահ Իպրահիմ Ռայիսի եւ այլ բազմաթիւ երկիրներու ղեկավարներ։ Էրտողան եւ Ալիեւ երէկ հանդիպում մը ունենալով քննարկեցին իրավիճակը։
Ամերիկայի Միացեալ Նահանգներու Ներկայացուցիչներու տան նախագահ Նենսի Փելոզի վաղը պիտի այցելէ Հայաստան։ Երեւանի մէջ նախատեսուած են իր հանդիպումները Հայաստանի վարչապետ Նիկոլ Փաշինեանի եւ այլ պաշտօնատարներու հետ։
Հայկական բարեգործական ընդհանուր միութեան (ՀԲԸՄ) Կեդրոնական վարչութեան նախագահ Պերճ Սեդրակեան նամակ մը ուղարկեց Ամերիկայի Միացեալ Նահանգներու պետական քարտուղարութեան՝ ուշադրութիւն հրաւիրելով Հայաստանի դիմագրաւած առկայ մարտահրաւէրներուն վրայ։ Մինչ ամբողջ հայաշխարհը մտահոգութեամբ, տագնապած կը հետեւի Հայաստանի ենթարկուած յարձակումներուն, Պերճ Սեդրակեանի այս նախաձեռնութիւնը թարգման կը հանդիսանայ անոր սպասումներուն։
Հայաստան-Ատրպէյճան սահմանի վերջին բախումները իսկապէս ծանր հետեւանքներ ունեցան։ Վարչապետ Նիկոլ Փաշինեան երէկ տեղեկացուց, որ Հայաստանի բանակէն 105 զինուոր նահատակուած է։ Միեւնոյն ժամանակ, ան հաղորդեց, որ Հայաստանի Հանրապետութեան ինքնիշխան տարածքէն 10 քառակուսի քիլօմեթր բռնագրաւուած է Ատրպէյճանի կողմէ վերջին յարձակումներուն ժամանակ։
