Լրահոս

2021-2022 մարզաշրջանի Թուրքիոյ ֆութսալի լիկի առաջատարը համատարած գնահատանքի առարկայ:
Մեր համայնքի մարզակումբը յառաջիկայ տարի երկիրը պիտի ներկայացնէ Եւրոպայի մէջ, ՈՒԷՖԱ-ի մրցաշարքին գծով:

ՇԱՀԱՆ ԳԱՆՏԱՀԱՐԵԱՆ

Ռուսաստանի արտաքին գործոց նախարարը, Երեւանի մէջ միացեալ մամլոյ ասուլիսի ընթացքին յայտարարեց, որ Փառուխ գիւղին շուրջ ստեղծուած կացութիւնը առաջնահերթութիւն է ռուս զինուորներուն համար: Լաւրովի համաձայն, այնտեղ արդէն կան որոշակի արդիւնքներ՝ կացութեան լարուածութեան մեղմացման տեսանկիւնէն:

Հայկական բարեգործական ընդհանուր միութեան (ՀԲԸՄ) Կեդրոնական վարչութեան, Եւրոպայի մասնաճիւղերու ղեկավարութեան եւ այլ պատասխանատուներու ու հիւրերու մասնակցութեամբ Ժընեւի մէջ վերջերս կազմակերպուած խորհրդակցութեան արձագանգները կը շարունակուին։

Ռուսաստանի Արտաքին գործոց նախարար Սերկէյ Լաւրով կը պատրաստուի այցելել Պաքու։ Իր ուղեւորութիւնը նախատեսուած է 23-24 յունիսին։

Հանրապետութեան նախագահ Ռեճեփ Թայյիպ Էրտողան նախընթաց օր ընդունեց Ռուսաստանի փոխ-վարչապետ Ալեքսէյ Օվերչուքը։ Անգարայի պաշտօնական աղբիւրները թողարկեցին Պեշթեփէի համալիրէն ներս տեղի ունեցած հանդիպումէն դրուագ մը։

Հայաստանի Հանրապետութեան նախագահ Վահագն Խաչատուրեան նախընթաց օր ընդունեց Երեւանի մօտ Սուրիոյ նորանշանակ դեսպան Նորա Արիսեանը, որ յանձնեց իր հաւատարմագիրը։

Երեւանի Օփերայի համալիրէն ներս երէկ երեկոյեան տեղի ունեցաւ հանդիսաւոր արարողութիւն մը։ Այսպէս, Երեւանի Պետական համալսարանի գիտական աստիճան ստացած շրջանաւարտները ստացան իրենց վկայականները։

Հայաստանի ֆութպոլի դաշնակցութեան հիմնադրութեան 30-ամեակը այս շրջանին կը նշուի յոբելենական ծրագրով մը։ Այս առթիւ Երեւան այցելեցին ՖԻՖԱ-ի նախագահ Ճաննի Ինֆանթինօ եւ ՈՒԷՖԱ-ի նախագահ Ալեքսանտր Զաֆերին, որոնց հետ է նաեւ ՖԻՖԱ-ի հիմնադրամի գործադիր տնօրէն հայազգի Եուրի Ճորքայեւ։

Ներքին գործոց փոխ-նախարարը մայրաքաղաք Անգարայի մէջ հիւրընկալեց ԱՔ կուսակցութեան կեդրոնական գործադիր խորհուրդի անդամը:
Փոքրամասնութեան վաքըֆներու ընտրութեան նոր կանոնադրութեան մէջ հաշուի առնուած են բոլոր համայնքներու առանձնայատկութիւնները: Մուհթերէմ Ինճէ Սեւան Սվաճըօղլուին տեղեկացուցած է, որ գործընթացը եզրափակիչ փուլը թեւակոխած է: Նախագահ Էրտողանի կամքն է, որ բոլորը հանգիստ պայմաններով կարողանան քուէարկել:

Երեւանի մեր աշխատակիցներէն Սագօ Արեան այս օրերուն կ՚այցելէ քաղաքս։ Երեւան-Իսթանպուլ ուղիղ թռիչքով ան այսօր արդէն հասած է՝ իր որդիներէն Աքսել Ղազարեանի հետ։