Լրահոս

ԱՄՆ կը ջանայ օգնել Հայաստանին եւ Ատրպէյճանին՝ երկարաժամկէտ խաղաղութեան հասնելու համար:
Ըստ պետական քարտուղարութեան բանբեր Փրայսի, Ուաշինկթըն յաջողած է յառաջընթացի հասնիլ Երեւանի եւ Պաքուի հետ:

Հայաստանի Արտաքին գործոց նախարարը աւարտեց դէպի Չեխիա աշխատանքային այցելութիւնը:
Արարատ Միրզոյեան հերթական անգամ անդրադարձաւ Ատրպէյճանի հայ ռազմագերիներու վերադարձի հարցին:

Քուէյթահայ գործարար եւ ազգային բարերար Կիրակոս Գույումճեան այս շրջանին կ՚այցելէ Երեւան, ուր «Արմէնփրէս»ի սրահին մէջ տուաւ մամլոյ ասուլիս մը։ Ան հայ իրականութենէն ներս բազմակողմանի գործունէութիւն կը ծաւալէ եւ այդ ամբողջին մէջ սկիզբ դրած է «Գնեցէ՛ք Հայաստանէն» նախաձեռնութեան։

Երեւանի մէջ այս աշնան նախատեսուած է Կլոպալ նորարարութեան ֆորում (GIF) մը, որու գլխաւոր բանախօսը պիտի ըլլայ յայտնի գիտնական ու գործարար եւ ազգային բարերար Նուպար Աֆէեան։ Այս վերջինը, միեւնոյն ժամանակ, Հայաստանի Գիտութեան եւ թեքնոլոժիներու հիմնադրամի (FAST) համահիմնադիրն է։

Ատրպէյճանի Կրթութեան նախարար Էմին Ամրուլլաեւ յայտարարեց, որ յաջորդ ուսումնական տարիէն սկսեալ երկրի դպրոցներէն ներս պիտի սկսի թրքական պատմութեան եւ թրքական աշխարհագրութեան առարկաներու դասաւանդումը։

Երեւանի մէջ յառաջիկայ շրջանին պիտի բացուի Hard Rock Cafe մը։ Մօտաւոր ապագային ան պիտի սկսի գործել, մինչ նախընթաց օր զանգուածային լրատուութեան միջոցներու ներկայացուցիչներուն համար կազմակերպուեցաւ ծանօթացման հաւաքոյթը։

Առանձին, մայր բնութեան ծոցին մէջ՝ մարդը... Երբեմն այնքան թեթեւ, երբեմն ալ մտքերով այնքան ծանր, որ կարծես անշարժունակ կը դառնայ։ Զանգուածին մէջ միսմինակ է մարդ երբեմն, իսկ երբեմն ալ առանձնութեան պահերու խոհերը զինքը կրնան առաջնորդել երեւակայական բազմութիւններու մէջ։

Նիկոլ Փաշինեանի եւ Իլհամ Ալիեւի միջեւ նոր հանդիպման մը հեռանկարը ուրուագծուած՝ հորիզոնին վրայ:
Երեւանէն միշտ կը բարձրաձայնուի, որ հայկական կողմը կը հրաժարի «Զանգեզուրի միջանցքի» մասին բանակցելէ:

Անգարա-Երեւան յարաբերութիւններու բնականոնացման գործընթացը կը շարունակէ օրակարգը առաջնահերթօրէն զբաղեցնել՝ մէկ կողմէ թեր ու դէմ կարծիքներով եւ քաղաքական բանավէճով, իսկ միւս կողմէ նաեւ զանազան գործնական քայլերով։ Այսպէս, Թուրքիոյ եւ Հայաստանի յատուկ ներկայացուցիչները՝ Սերտար Քըլըչ եւ Ռուբէն Ռուբինեան Վիեննայի իրենց վերջին հանդիպման ժամանակ պայմանաւորուած էին, որ սահմանը բացուի երրորդ երկիրներու քաղաքացիներուն համար։

Նիկոլ Փաշինեան եւ Էնթընի Պլինքըն անդրադարձան նաեւ Անգարա-Երեւան բնականոնացման գործընթացին:
ԱՄՆ-ի պետական քարտուղարը հեռախօսազրոյցներ ունեցաւ Հայաստանի վարչապետին եւ Ատրպէյճանի նախագահին հետ: