Լրահոս

Մեծանուն բարերարի յիշատակին կազմակերպուած համերգը պատուեց նաեւ Փորթուգալի նախագահը:
20 յուլիսի անխափան աւանդութիւն. Գալուստ Կիւլպէնկեան վերյիշուեցաւ երախտագիտութեամբ ու բիւր յարգանքով:

ՍԱԳՕ ԱՐԵԱՆ

Տարածաշրջանային կտրուածքով վերջերս բաւական ուշագրաւ զարգացումներ կ՚արձանագրուին։ Առաջինը, ի հարկէ, Ամերիկայի Միացեալ Նահանգներու նախագահ Ճօ Պայտընի դէպի Մերձաւոր Արեւելք տուած այցելութիւնն էր, որուն մասին ալ տեղի ունեցան բազմակողմանի քննարկումներ։

Հայաստանի Արտաքին գործոց նախարար Արարատ Միրզոյեանի եւ Ատրպէյճանի Արտաքին գործոց նախարար Ճէյհուն Պայրամովի շաբաթավերջի հանդիպման լոյսին տակ հեռախօսազրոյցներու երթեւեկը խտացած է։

Երեւանի Պետական բժշկական համալսարանի շրջանաւարտութեան հանդէսը՝ Օփերայի երդիքին տակ:
Վերատեսուչ Արմէն Մուրատեան խօսք ուղղեց 790 նոր ընթացաւարտին. «Ձեր կոչումն է բժիշկ, նշանաբանը՝ կեանք»:

Սիպիլ եւ Այշէնուր Քոլիվար երաժշտասէրներուն կը ներկայացնեն ուրոյն ստեղծագործութիւն մը:
«Լուսի հատիկ»ին մէջ այնքան տպաւորիչ ու եզակի ձեւով համադրուած են արեւմտահայերէնն ու Համշէնի բարբառը:

Լեռնային Ղարաբաղի հիմնախնդրին տեսակէտէ անկիւնադարձ. «Սեպտեմբերէն սկսեալ Հայաստանէն զօրակոչուած ժամկէտային զինուորներ պիտի չըլլան Արցախի մէջ»:
Արմէն Գրիգորեան. «Հրադադարի հաստատումէն վերջ, Ռուսաստանի խաղաղապահներու տեղադրումէն յետոյ, հայկական զինեալ ուժերու ստորաբաժանումներու դուրսբերումը տրամաբանական է»:

Թեհրանի մէջ երէկ տեղի ունեցաւ Հանրապետութեան նախագահ Ռեճեփ Թայյիպ Էրտողանի, Իրանի նախագահ Իպրահիմ Ռաիսիի եւ Ռուսաստանի նախագահ Վլատիմիր Փութինի եռակողմանի գագաթաժողովը, որու մասնակից ղեկավարները ունեցան նաեւ երկկողմանի շփումներ։ Պաշտօնական աղբիւրներու հաղորդումներով, գագաթաժողովի մասնակից ղեկավարներու օրակարգին վրայ գտնուած է նաեւ Լեռնային Ղարաբաղի հիմնախնդիրը։

Հայաստանի Արտաքին գործոց նախարար Արարատ Միրզոյեան դէպի Վարշաւիա պաշտօնական այցելութեան ծիրէն ներս երէկ մէկտեղուեցաւ Լեհաստանի Արտաքին գործոց նախարար Զպիկնիեւ Ռաուի հետ։ Նախարարը ընդունուեցաւ նաեւ այդ երկրի ղեկավարութենէն յառաջատար այլ դէմքերու կողմէ։

Ատրպէյճանի Արտաքին գործոց նախարար Ճէյհուն Պայրամով այսօր Պրիւքսելի մէջ կը մասնակցի Եւրոմիութիւն-Ատրպէյճան Համագործակցութեան խորհուրդի ժողովին։ Նախօրէին ան ունեցաւ շարք մը բարձր մակարդակի հանդիպումներ։

Հայաստանի եւ Ատրպէյճանի արտաքին գործոց նախարարներու Թիֆլիզի վերջին հանդիպման արձագանգները կը շարունակուին միջազգային գետնի վրայ։ Ուաշինկթընի եւ Փարիզի ղեկավարութիւնները արդէն ողջունեցին այդ տեսակցութիւնը։ Ամերիկայի Միացեալ Նահանգներու պետական քարտուղարութեան բանբեր Նետ Փրայս ըսաւ. «Մենք աշխոյժ դերակատարութիւն ունինք։