Հայաստանի Արտաքին գործոց նախարար Արարատ Միրզոյեան այսօր Թիֆլիզի մէջ հանդիպում մը կ՚ունենայ Ատրպէյճանի Արտաքին գործոց նախարար Ճէյհուն Պայրամովի հետ։ 44-օրեայ պատերազմին յաջորդած իրավիճակին մէջ Երեւանի եւ Պաքուի միջեւ համապարփակ խաղաղութեան պայմանագրի մը մշակումը օրակարգը առաջնահերթօրէն կը զբաղեցնէ, Հայաստան-Ատրպէյճան սահմանազատումով ու սահմանագծումով, նաեւ Հարաւային Կովկասի հաղորդակցութիւններու ապաշրջափակումով հանդերձ։
Խասգիւղի հրէից գերեզմանատան դէմ երէկ մտահոգիչ յարձակում մը գործուեցաւ։ Դէպքին հետեւանքով պատմական գերեզմանատունէն ներս 81 շիրիմ կոտրուեցաւ։
15 յուլիսի Ժողովրդավարութեան եւ ազգային միասնականութեան օրուան առթիւ երէկ յիշատակութիւններ տեղի ունեցան բովանդակ Թուրքիոյ մէջ։ Ձախող պետական հարուածի 6-րդ տարելիցին ոգեկոչուեցան նահատակները։ Հանրապետութեան նախագահ Ռեճեփ Թայյիպ Էրտողան Իսթանպուլի մէջ մասնակցեցաւ մեծ հանրահաւաքի մը, որ կազմակերպուած էր Սարաչհանէի հրապարակին վրայ։
Հանրապետութեան նախագահ Ռեճեփ Թայյիպ Էրտողան այսօր ելոյթով մը հանդէս կու գայ Սարաչհանէի հրապարակին վրայ կազմակերպուած հանրահաւաքի ընթացքին:
Վեց տարի առաջ ցուցաբերուած աննախընթաց ու հերոսական դիմադրութեան շնորհիւ ժողովրդավարութիւնը կենսունակ կը մնայ Թուրքիոյ մէջ:
Ամենապատիւ Սրբազան Պատրիարք Հայրը օրհնութիւնը տուաւ Աթոռի երիտասարդ միաբանին, որ արտասահմանի մէջ կը կատարելագործէ իր բարձրագոյն ուսումը:
Տ. Մաղաքիա Աբեղայ Պեսքիսիզեան հեղինակաւոր գիտնականներու հետ ծաւալուն աշխատանք կը տանի Լիւվէնի համալսարանէն ներս՝ Վատիկանի կողմէ տրամադրուած կրթաթոշակով:
Ռուսաստանի Արտաքին գործոց նախարարութեան բանբեր Մարիա Զախարովա յայտարարեց, որ իր երկիրը անփոփոխ ձեւով կ՚աջակցի Թուրքիա-Հայաստան յարաբերութիւններու բնականոնացման գործընթացին։ Ան յիշեցուց, որ համապատասխան բանակցութիւնները անցեալ յունուարի 24-ին սկսած էին Մոսկուայի մէջ, ռուսական կողմի միջնորդութեամբ։
Հայաստանի Հանրապետութեան նախագահ Վահագն Խաչատուրեանի հրամանագրով երէկ երկրի զինեալ ուժերու Ընդհանուր սպայակոյտի նախագահ նշանակուեցաւ զօրավար Էտուարտ Ասրեան։ Նշանակումը կատարուած է վարչապետ Նիկոլ Փաշինեանի առաջարկի հիման վրայ, հինգ տարուան ժամկէտով։
Հայ յեղափոխական դաշնակցութեան (ՀՅԴ) Հայաստանի գերագոյն մարմնի ներկայացուցիչ Իշխան Սաղաթէլեան վերջին օրերուն Երեւանի մէջ սարքեց մամլոյ ասուլիս մը։ Հայաստանի խորհրդարանական ընդդիմութեան կողմէ սկիզբ տրուած «Դիմադրութիւն» շարժման առաջնորդներէն է Իշխան Սաղաթէլեան, որ վերջերս Եւրոխորհրդարանէ ներս մասնակցած էր ժողովներու։
Հայաստանի փոխ-վարչապետ Մհեր Գրիգորեան երէկ տեսակցեցաւ Հարաւային Կովկասի գծով Եւրոմիութեան յատուկ ներկայացուցիչ Թոյվօ Քլաարի հետ, որ շփումներ ունեցաւ Երեւանի մէջ։ Հանդիպման ներկայ էր նաեւ Եւրոմիութեան Երեւանի առաքելութեան ղեկավարը՝ դեսպան Անտրէա Վիքթորին։
Երեւանի «Գաֆէսճեան» արուեստի կեդրոնը վերջերս յայտարարեց նոր կրթական ծրագրի մը սկիզբը։ «Տիպ ու տառ» կը կոչուի այս նոր նախագիծը։ Հարկ է նշել, որ ներկայ ամսուայ սկիզբին գործել սկսած է «Տիպ ու տառ» տառատպութեան արուեստանոցը, որու անունը ներշնչուած է պոլսահայ անմոռանալի բանասէր Թէոդիկի համանուն հատորէն ու ձօնուած՝ Թէոդիկի «Տիպ ու տառ»ի տպագրութեան 110-ամեակի յոբելեանին։
