Լրահոս

Հայաստանի ֆութպոլի ազգային հաւաքականը շաբաթավերջին Երեւանի մէջ յաղթանակ տօնեց Իրլանտայի դիմաց։ ՈՒԷՖԱ-ի Ազգերու լիկի B ենթախումբէն ներս առաջին խումբի առաջին փուլի մրցումներէն մին էր այս մէկը։

Թոյվօ Քլաար Հայաստանի ղեկավարութեան հետ արժեւորեց Պրիւքսելի հանդիպման յաջորդած իրավիճակը:
Ռուսաստանի եւ Թուրքիոյ արտաքին գործոց նախարարները յաջորդ շաբաթ կ՚անդրադառնան Լեռնային Ղարաբաղի հիմնախնդրին: Անգարայի մէջ Մեւլիւտ Չավուշօղլուի կողմէ հիւրընկալուելէ վերջ, Սերկէյ Լաւրով կ՚ուղեւորուի Երեւան:

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ Պաքըրգիւղի Ծն. Ս. Աստուածածին եկեղեցւոյ մէջ աշակերտներու օրհնութեան կարգ կատարեց՝ վաղուան լիսէներու մտից քննութեան ընդառաջ։

Հայաստանի դիմագրաւած առկայ մարտահրաւէրները կ՚ուղղորդուին ներքին քաղաքական բեւեռացումներով ու պառակտումներով, որոնք կը պայմանաւորեն նաեւ արտաքին քաղաքական հիմնահարցերու վերաբերեալ թէ՛ իշխանութեան եւ թէ ընդդիմութեան խօսոյթը։ Առկայ քաղաքական անելին մէջ յաճախ քննարկման նիւթ կը դարձուին Թուրքիա-Հայաստան եւ Հայաստան-Ատրպէյճան յարաբերութիւններու հեռանկարները։

Հայկական բարեգործական ընդհանուր միութիւնը (ՀԲԸՄ) եւ Երեւանի Մատենադարանը համատեղ նախաձեռնութեամբ հրատարակեցին պատկերագիրք մը, որ միտուած է Արցախի ձեռագրական ժառանգութեան պահպանման։

Հայաստանի փոխ-վարչապետ Մհեր Գրիգորեան այսօր կ՚այցելէ Մոսկուա։ Շուրջ կէս տարուայ ընդհատումէ մը վերջ տեղի կ՚ունենայ Հայաստան-Ռուսաստան-Ատրպէյճան՝ փոխ-վարչապետներու մակարդակով եռակողմանի աշխատանքային խումբի հերթական նիստը։

Հայաստանի մէջ իշխանական եւ ընդդիմադիր ճամբարներու փոխադարձ մեղադրանքները չեն դադրիր:
Երկրի ղեկավարութիւնը կը ձգտի ի գին ամէն ինչի խաղաղութեան պայմանագիր կնքել, սակայն բանակցելու ընդունակ չէ:

Հայաստանի վարչապետ Նիկոլ Փաշինեան հեռախօսազրոյցներ ունեցաւ Ռուսաստանի նախագահ Վլատիմիր Փութինի, Իրանի նախագահ Իպրահիմ Ռաիսիի եւ Վրաստանի վարչապետ Իրակլի Ղարիպաշվիլիի հետ։
Պաշտօնական աղբիւրներու հաղորդումներով, Փաշինեան-Փութին հեռախօսազրոյցը տեղի ունեցաւ երէկ։ Ռուս ղեկավարը, որ օր մը առաջ Ատրպէյճանի նախագահ Իլհամ Ալիեւի հետ հեռաձայնով զրուցած էր, երէկ շնորհաւորեց Փաշինեանի ծննդեան տարեդարձը:

Արտախորհրդարանական քաղաքական ուժերն ալ կը միանան իշխանութիւններու դէմ բողոքներուն:
Հայաստանի ընդդիմութիւնը յամառօրէն յառաջ կը տանի իր «Դիմադրութիւն» շարժումը՝ զանազան դրսեւորումներով:

Ազգային պաշտպանութեան նախարար Հուլուսի Աքար յայտարարեց, որ Թուրքիոյ եւ Ամերիկայի Միացեալ Նահանգներու միջեւ շփումները դրական հունի մը մէջ կ՚ընթանան՝ «Ֆ-16» ռազմաօդային կործանիչներու վերաբերեալ հարցերու յաղթահարման ուղղութեամբ։