Արխիւ

Երեւանի Տրամաթիքական թատրոնին մէջ նախընթաց օր տեղի ունեցաւ «Ես հայ եմ» խորագրեալ պարի ցուցադրութիւն մը։ Սա Prof-Art պարային աշխատանոցի 2021-2022 շրջանի եզրափակիչ ելոյթն էր։

Ռուսաստանի Արտաքին գործոց նախարար Սերկէյ Լաւրով երէկ իրերայաջորդ այցելութիւններ տուաւ Թեհրան եւ Պաքու։ Ռուս նախարարը Թեհրանի մէջ հիւրընկալուեցաւ Իրանի նախագահ Իպրահիմ Ռաիսիի կողմէ, նաեւ բանակցութիւններ վարեց իր պաշտօնակցին՝ Ամիր Ապտուլլահիանի հետ։ Աւելի վերջ Լաւրով անցաւ Պաքու, ուր ընդունուեցաւ Ատրպէյճանի նախագահ Իլհամ Ալիեւի կողմէ, նաեւ մէկտեղուեցաւ իր պաշտօնակցին՝ Ճէյհուն Պայրամովի հետ։

Անգարայի մէջ վերջերս տեղի ունեցաւ Թուրքիոյ ճատրակի վեթերան վարպետներու մասնակցութեամբ մրցաշարք մը, որուն մասնակցեցաւ նաեւ մեր համայնքէն Առնօ Կարապետեան։ Այս մրցոյթի արդիւնքին Առնօ Կարապետեան նուաճեց ախոյեանի տիտղոսը։

Երէկ, Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան Պատրիարքարանի մէջ ընդունեց Գանտիլլիի Ս. Երկոտասան Առաքելոց եկեղեցւոյ թաղային խորհուրդի անդամները։ Թաղականներուն միացած էր եկեղեցւոյ այցելու հովիւ Տ. Յարութիւն Վարդապետ Տամատեան։

Մեծի Տանն Կիլիկիոյ Կաթողիկոսութիւնը յառաջիկայ յուլիսի 1-ին պիտի կազմակերպէ Միւռոնօրհնութիւն։ Անթիլիասի վանքին մէջ նախատեսուած արարողութեան պիտի հանդիսապետէ Տ.Տ. Արամ Ա. Մեծի Տանն Կիլիկիոյ Կաթողիկոսը։

Ամենայն Հայոց Տ.Տ. Գարեգին Բ. Կաթողիկոսը երէկ Մայր Աթոռ Սուրբ Էջմիածնի մէջ հիւրընկալեց Ամերիկայի Միացեալ Նահանգներէն՝ Հայ իրաւաբանական միութեան նախագահ Լիւսի Վարպետեանի կողմէ գլխաւորուած պատուիրակութիւնը։

Արաբերէնէ թարգմանեց՝
ԱՆԻ ԲՐԴՈՅԵԱՆ-ՂԱԶԱՐԵԱՆ

Մեր երկրին,
Որ Արարչին խօսքին մօտ է,
Ամպապատ առաստաղ մը:

Մեր երկրին,
Որ հեռու է անունին յատկանիշներէն,
Բացակայութեան քարտէս մը:

Աստուածաշունչի ընկերութեան Արաբական ծոցի երկիրներու ընդհանուր քարտուղար տքթ. Հրայր Ճէպէճեան վերջերս այցելեց Յորդանան։ Ամմանի «Ալեք Մանուկեան» սրահին մէջ ան հանդէս եկաւ ելոյթով մը, որու ընթացքին արծարծեց սփիւռքահայ իրականութիւններու, հայապահպանման եւ ազգային ամբողջական մշակոյթի մը կերտման գործընթացին վերաբերեալ նիւթեր։

Համայնքային վարիչները մտադիր են առանց դատական դիմումներու հետեւիլ նոր կանոնադրութեան, սակայն որոշ բարելաւումներ ապահովելու նպատակով պիտի նախընտրեն պատկան մարմիններու հետ դրական երկխօսութեան ճանապարհը՝ ակնկալութիւններու վերաբերեալ յստակ հիմնաւորումներով:
Փոփոխութիւններ կ՚ակնկալուին ընտրաշրջաններու սահմանումին գծով: Յարմար չի դատուիր, որ նոյն անձը նոյնաժամանակ կարողանայ մաս կազմել երեք տարբեր կառոյցի մատակարար մարմնին:
Մինչեւ յաջորդ շաբթուան սկիզբի ժողովը աշխատանք պիտի տարուի ընտրական մարմիններու ձեւաւորման համար: