Թուրքիոյ արեւելքի, հարաւի եւ հարաւ-արեւելքի քաղաքները ցնցած երկրաշարժին հետեւանքով յառաջացած ընդհանուր պատկերը հետզհետէ կը դառնայ աւելի ծանր եւ ցնցիչ։ Ըստ պաշտօնական աղբիւրներու կողմէ հրապարակուած վերջին տուեալներուն, երկրաշարժի զոհերուն թիւը հասած է 6957-ի։
Քահրամանմարաշի մէջ երէկ կէսօրուան ժամերուն պատահած 7.6 սաստկութեամբ նոր ցնցումին ալ ազդեցութեամբ զոհերու եւ վիրաւորներու թիւը բազմապատկուեցաւ: Երկիրը բազմաթիւ քաղաքներու պարագային կը դիմագրաւէ աննկարագրելի փլուզումի մը մարտահրաւէրը՝ մինչ պետութիւնը կը ջանայ բոլոր ուղղութիւններով հոգալ կարիքները:
Երեւանի ղեկավարութիւնը ամենաբարձր մակարդակի վրայ արձագանգեց սաստիկ երկրաշարժին, որու ծանր հետեւանքներու լոյսին տակ զօրակցութեան եւ վշտակցութեան պատգամներ հնչեցուց Անգարայի եւ Դամասկոսի ղեկավարութիւններուն։
Հուլուսի Աքար տեսակցեցաւ Սերտար Քըլըչի հետ, Մեհմէտ Մուշ խօսեցաւ սահմանադուռերու բացման մասին:
Անգարա ուշադրութեան կիզակէտին կը պահէ Երեւանի հետ յարաբերութիւններու բնականոնացման գործընթացը:
Լեռնային Ղարաբաղը արդէն ուր որ է երկու ամիսէ ի վեր պաշարուած վիճակի մէջ է։ Ատրպէյճանի կողմէ Լաչինի միջանցքի փակման հետեւանքով Արցախը կտրուած է թէ՛ Հայաստանէն եւ թէ՛ աշխարհէն։
Արտաքին գործոց նախարար Մեւլիւտ Չավուշօղլու յայտարարեց, որ Կովկասի մէջ Հայաստան-Ատրպէյճան պատերազմէն յետոյ խաղաղութեան ու կայունութեան համար կարեւոր հնարաւորութիւն մը ի յայտ եկած է։ Նախարարի խօսքով՝ Թուրքիոյ նպատակն է, որ Հարաւային Կովկասը եւս ըլլայ խաղաղութեան ու կայունութեան տարածաշրջան մը։
Հանրապետութեան նախագահ Ռեճեփ Թայյիպ Էրտողանի կողմէ նախընթաց օր ստորագրուած հրամանագրի մը հիման վրայ Սինան Աքսու նշանակուեցաւ Վաքըֆներու ընդհանուր տնօրէն։
«Արցախի ինքնորոշման հարցը ժամանակավրէպ չէ, բայց տրամաբանութիւնը պէտք է ըլլայ աւելի մտածուած, պէտք է աւելի ճիշդ դիրքաւորուիլ ժամանակակից աշխարհին մէջ»:
«Վրէժխնդրութիւնը իրական լուծման չի տանիր։ Կողմերու շահերը այնպէս մը պէտք է համընկնին եւ միահիւսուին, որ փակ ճանապարհներու կամ սահմաններու մասին խօսիլը անիմաստ դառնայ»:
Լեռնային Ղարաբաղի մէջ մարդասիրական տագնապի խորացումը զգայուն հարց մըն է Երեւան-Մոսկուա յարաբերութիւններուն տեսակէտէ:
Վարչապետ Նիկոլ Փաշինեան. «Ռուսաստան Հայաստանի առանցքային գործընկերն է, բայց, դժբախտաբար, մեր մօտ անվտանգային իրավիճակը այդքան ալ լաւ չէ»:
Երեւանի մօտ Իսրայէլի դեսպան Եոէլ Լիոն արձագանգեց Երուսաղէմի մէջ Հայոց Պատրիարքարանին եւ Հին Քաղաքի բնակիչ կարգ մը հայերուն դէմ գործուած յարձակումներուն։ Ծանօթ է, որ այս դէպքերը խոր մտահոգութիւն յառաջացուցած էին ամբողջ հայաշխարհէն ներս, Հայաստանի Արտաքին գործոց նախարարութիւնն ալ հրապարակած էր յայտարարութիւն մը։
