Լրահոս

Աթէնք աջակցութիւն կը յայտնէ Երեւանի «Խաղաղութեան խաչմերուկ» նախագծին:
Յունաստան պատրաստակամ՝ հնարաւոր բոլոր ուղղութիւններով Հայաստանին սատարելու:

Երէկ, Երեւանի մէջ բացուեցաւ աշխարհահռչակ շարժանկարի բեմադրիչ, բեմագիր Սերկէյ Փարաճանովի արձանը։ Այս տարի մեծանուն արուեստագէտի ծննդեան 100-ամեակը կը նշուի եւ այս յոբելեանը կը նշանաւորուի մայրաքաղաքի մէջ անոր արձանի զետեղմամբ։

Միրզոյեան. «Երեւան եւ Պաքու շատ մօտ ապագային կրնան հասնիլ խաղաղութեան հաստատման»:
Հայաստան-Ատրպէյճան սահմանազատման յանձնաժողովներու հերթական բանակցութիւնները նախատեսուած են այս ամսավերջին:

Հայաստանի ղեկավարութիւնը այսօր կը հիւրընկալէ Յունաստանի արտաքին գործոց նախարար Եորկոս Երափեթրիտիսը, որ երէկ երեկոյեան պաշտօնական այցելութեամբ ժամանեց Երեւան։

Ռուբինեան եւ Պոնօ անդրադարձան Թուրքիա-Հայաստան յարաբերութիւններու կարգաւորման գործընթացին:
Ուաշինկթըն միշտ կը հետաքրքրուի Անգարա-Երեւան-Պաքու առանցքի իրադարձութիւններով եւ տարածաշրջանի իրավիճակով:

Էքրէմ Իմամօղլու եւ Մուրատ Քուրում՝ 31 մարտին ընդառաջ խօսք կ՚ուղղեն հանրային կարծիքին:
ԱՔ կուսակցութեան թեկնածուն համոզուած է, թէ անկարելի է Իսթանպուլը ապագայի համար ցատկատախտակ տեսնել:

Արաբական Միացեալ Էմիրութիւններու նախագահ Շէյխ Մուհամմէտ պին Զայիտ ալ Նահիան դէպի Պաքու պաշտօնական այցելութեան ծիրէն ներս հիւրընկալուեցաւ Ատրպէյճանի նախագահ Իլհամ Ալիեւի կողմէ։

Սեւծովեան տնտեսական համագործակցութեան կազմակերպութեան (ՍԾՏՀԿ) մօտ Հայաստանի Հանրապետութեան մշտական ներկայացուցիչ նշանակուեցաւ Նաիրի Պետրոսեան, որ այս պաշտօնին մէջ պիտի յաջորդէ Սահակ Սարգսեանին։

Երեւանի ղեկավարութիւնը երէկ հիւրընկալեց Ուաշինկթընէն բարձրաստիճան դիւանագէտ մը։ Այսպէս, Հայաստանի արտաքին գործոց նախարար Արարատ Միրզոյեան ընդունեց Ամերիկայի Միացեալ Նահանգներու պետական քարտուղարի Հարաւային Կովկասի բանակցութիւններուն գծով աւագ խորհրդական եւ ԵԱՀԿ-ի Մինսքի խումբի ամերիկացի համանախագահ Լուիս Պոնոն, որ ընդունուեցաւ նաեւ անվտանգութեան խորհուրդի քարտուղար Արմէն Գրիգորեանի կողմէ։

Թուրքիան շաբաթավերջին հիւրընկալեց Ամերիկայի Միացեալ Նահանգներէն բարձրաստիճան հիւր մը։ Արտաքին գործոց նախարար Հաքան Ֆիտան Իսթանպուլի մէջ բանակցութիւններ վարեց ԱՄՆ-ի պետական քարտուղար Էնթընի Պլինքընի հետ։