Լրահոս

Սուրբ Փրկիչ Ազգային հիւանդանոցի հոգաբարձութեան ատենապետ Պետրոս Շիրինօղլու, որ կը գտնուի նաեւ ERVAB-ի գլուխը, այս առաւօտ հեռախօսազրոյցի ընթացքին մեզի յայտնեց, որ Օրթագիւղի թաղային խորհուրդին ըրածը մեր համայնքին դէմ ոտնախաղ մըն է։

Երեւանի Եղիշէ Չարենցի տուն-թանգարանի հաւաքածոն համալրուեցաւ մեծանուն գրողին նորաստեղծ դիմանկարով, որու հեղինակն է յայտնի նկարիչ Հրաչեայ Ռուխկեան։ «Արմէնփրէս»ի հաղորդումներով, այս կտաւը երկար տարիներ մասնաւոր հաւաքածոներու մաս կազմած է ու հանուած վաճառքի։

Էնթընի Պլինքըն հեռախօսազրոյցներ ունեցաւ Նիկոլ Փաշինեանի եւ Իլհամ Ալիեւի հետ. Միացեալ Նահանգներ պատրաստ է ներգրաւուիլ Հայաստան-Ատրպէյճան երկխօսութեան:
Ստեփանակերտի ղեկավարութիւնը Աղաւնոյի եւ Բերձորի բնակիչները զգուշացուցած է, որպէսզի մինչեւ 25 օգոստոս լքեն իրենց տուները: Արցախի խաղաղ բնակչութեան կեանքի իրաւունքը երաշխաւորուած չէ:
Երեւանի եւ Մոսկուայի միջեւ Լեռնային Ղարաբաղի՝ Ռուսաստանի խաղաղապահ զօրախումբի գործունէութեան վերաբերեալ առկայ տարակարծութիւնները հասած են բանավէճի մը եզրին:

Հանրապետութեան նախագահ Ռեճեփ Թայյիպ Էրտողան երէկ Սոչիի մէջ հիւրընկալուեցաւ Ռուսաստանի նախագահ Վլատիմիր Փութինի կողմէ։ Բանակցութիւնները տեւեցին 4 ժամ 15 վայրկեան եւ աւարտին երկու նախագահներու կողմէ հրապարակուեցաւ համատեղ յայտարարութիւն մը։

«Foreign Policy» ամերիկեան հեղինակաւոր հանդէսին մէջ վերլուծութիւն մը լոյս տեսաւ՝ Մաքսիմիլիըն Հեսի ստորագրութեամբ։ Այս առթիւ մատնանշուեցաւ, որ եթէ Արեւմուտքը կը փափաքի կանխել Լեռնային Ղարաբաղի երրորդ պատերազմը, ապա պէտք է բանակցութիւններու նոր ձեւաչափ մը փնտռէ։

ՇԱՀԱՆ ԳԱՆՏԱՀԱՐԵԱՆ

Միացեալ Նահանգներու Կեդրոնական հետախուզական բաժանմունքին՝ CIA-ի տնօրէնին Երեւան այցելութիւնը անհրաժեշտ լուսաբանումը չունեցաւ: Ենթադրութիւններ, մեկնաբանութիւններ անշուշտ հրապարակուեցան, սակայն պարզաբանում չեղաւ, թէ պաշտօնապէս ի՛նչ նպատակ ունէր այցելութիւնը:

Յոյն համայնքի հիւանդանոցէն ներս երէկ ահաւոր հրդեհ մը ծագեցաւ. շուրջ ութ տասնեակ պատսպարեալները տարհանուեցան ահ ու սարսափի պայմաններով:
Բարեսիրական կառոյցի համալիրին մէջ մեծ վնաս յառաջացաւ: RUMVADER-ի ներկայացուցիչները իսկոյն ջանքեր գործադրել սկսան տարեցներու անօթեւան մնալը կանխելու առաջադրութեամբ:
Պատմական շէնքը հրոյ ճարակ դարձաւ: Իսթանպուլի կուսակալ Ալի Երլիքայա եւ գլխաւոր քաղաքապետ Էքրէմ Իմամօղլու այցելեցին դէպքի վայր: Հրշէջ գունդը ժամերով աշխատեցաւ բոցերը զսպելու համար:

Արցախի ճակատի արիւնալի վերջին բախումներուն լոյսին տակ՝ շահագրգիռ դերակատարներուն միջեւ խտացեալ շփումներու մթնոլորտ, դիւանագիտական որոնումներ:
Ըստ վարչապետ Նիկոլ Փաշինեանի, Ատրպէյճանի միակ նպատակն է վերացնել 2020 թուականի հրադադարի յայտարարութիւնը. «Եթէ Լեռնային Ղարաբաղի շփման գծի անվտանգութիւնը եռակողմանի ձեւաչափի մէջ չապահովուի, ապա պէտք է մտածել յաւելեալ միջազգային դրութիւններու գործարկման մասին»:
Էրտողան եւ Փութին այսօր կրնան Սոչիի մէջ քննարկել ստեղծուած կացութիւնը, որու շուրջ երէկ արժեւորում մը կատարեցին Մեւլիւտ Չավուշօղլու եւ Էնթընի Պլինքըն: Արարատ Միրզոյեան լուսաբանեց Երեւանի մօտ հաւատարմագրուած դիւանագիտական առաքելութիւններու ղեկավարները: Եւրոմիութեան խորհուրդի նախագահ Շարլ Միշելի միջնորդական ջանքերն ալ թափ ստացան:

Արցախի ճակատէն դարձեալ զոհերու եւ վիրաւորեալներու մասին ահազանգային լուրեր կը հասնին: Ատրպէյճան պաշտօնապէս տեղեկացուցած է, որ իր բանակը ռազմական գործողութիւններու ձեռնարկած է, հարուածային անօդաչու թռչող սարքերով հանդերձ: Ռուսաստան հաստատեց, թէ ո՛ր կողմը հրադադարը կը խախտէ:
Երեւան միշտ անճար, Պաքու միշտ յարձակողական:
Հայաստանի Անվտանգութեան խորհուրդի քարտուղար Արմէն Գրիգորեանի խօսքով՝ Լաչինի միջանցքին վերաբերեալ պահանջները օրինական չեն: Ստեփանակերտի կողմէ մասնակի զօրահաւաք հռչակուեցաւ:

Լիզպոնի «Գալուստ Կիւլպէնկեան» հիմնարկի աղբիւրները հաղորդեցին, որ Հայկական համայնքներու բաժանմունքի կայքէջը դարձած է երկլեզու։ Երկար ամիսներու պատրաստութենէ վերջ արդէն թողարկուած է այս երկլեզու կայքէջը։