Լրահոս

Ուղ­ղա­փա­ռաց Տ.Տ. Պար­թո­լո­մէոս Ա. Ծայ­րա­գոյն Պատ­րիար­քը ե­րէկ Իս­թան­պու­լի հրշէջ գուն­դին շնոր­հա­կա­լու­թիւն յայտ­նեց՝ Պա­լըք­լըի յու­նաց հի­ւան­դա­նո­ցի մէջ ծա­գած հրդե­հի մար­ման ժա­մա­նակ տա­րուած աշ­խա­տանք­նե­րուն հա­մար։ Նո­րին Սրբու­թիւ­նը այս առ­թիւ հիւ­րըն­կա­լուե­ցաւ Իս­թան­պու­լի Գլխա­ւոր քա­ղա­քա­պե­տու­թեան ընդ­հա­նուր քար­տու­ղար Ճան Ա­քըն Չաղ­լա­րի, ընդ­հա­նուր քար­տու­ղա­րի տե­ղա­կալ Մու­րատ Եա­զը­ճըի եւ Իս­թան­պու­լի հրշէջ գուն­դի բա­ժան­մուն­քի ղե­կա­վար Ռեմ­զի Ալ­պայ­րա­քի կող­մէ։

Անգարա եւ Պաքու միշտ շփման մէջ տարածաշրջանի յետպատերազմեան իրադրութեան կապակցութեամբ:
Ռեճեփ Թայյիպ Էրտողան եւ Իլհամ Ալիեւ անդրադարձան Լեռնային Ղարաբաղի վերջին իրադարձութիւններուն:

ԵԱՀԿ-ի մօտ Ամերիկայի Միացեալ Նահանգներու մշտական ներկայացուցչի տեղակալ Քորթնի Օսթրիան Վիեննայի մէջ խոր մտահոգութիւն յայտնեց Լեռնային Ղարաբաղի վերաբերեալ վերջին իրադարձութիւններուն՝ մանաւանդ խտացեալ մարտերուն կապակցութեամբ։ ԵԱՀԿ-ի մշտական խորհուրդի ժողովին ընթացքին ան կրկին ընդգծեց, որ Լեռնային Ղարաբաղի վերաբերեալ բոլոր հարցերու բանակցային ճանապարհով լուծումը մեծ կարեւորութիւն կը ներկայացնէ։

«Euronews» համաշխարհային յայտնի հեռուստակայանը վերջերս առանձնապէս անդրադարձաւ Հայաստանի գինեգործութեան բնագաւառին եւ աւանդութիւններուն։ Ներկայիս միջազգային լրահոսին մէջ Հայաստան թէեւ առաւել չափով հրատապ քաղաքական օրակարգին վերաբերեալ խնդիրներով կը յիշատակուի, սակայն, «Euronews»ի այս հաղորդումը կազմած է բացառութիւն։

Ատրպէյճանի Արտաքին գործոց նախարար Ճէյհուն Պայրամով յայտնեց, որ Հայաստան կը ձգձգէ Զանգեզուրի միջանցքի հարցով ստանձնած պարտաւորութիւններու կատարումը։
Արտաքին գործոց նախարարութեան կողմէ կազմակերպուած Դեսպաններու խորհրդաժողովին համար Անգարա այցելած Ճէյհուն Պայրամով միեւնոյն ժամանակ ընդգծեց, որ իր երկիրը յամենայնդէպս փոխադրական հաղորդակցութիւն պիտի հաստատէ Նախիջեւանի հետ։ 

Հանրապետութեան նախագահ Ռեճեփ Թայյիպ Էրտողան յայտարարեց, որ Հարաւային Կովկասի մէջ նոր շրջան մը սկսած է։ Նախագահ Էրտողան եւ Արտաքին գործոց նախարար Մեւլիւտ Չավուշօղլու երէկ Անգարայի մէջ ելոյթներ ունենալով անդրադարձան տարածաշրջանային իրավիճակին եւ Թուրքիա-Հայաստան յարաբերութիւններու բնականոնացման գործընթացին։ Արտաքին գործոց նախարարութեան նախաձեռնութեամբ կազմակերպուած տարեկան դեսպանահաւաքի բացման փուլին թէ՛ Էրտողան եւ թէ Չավուշօղլու հանդէս եկան ծաւալուն ելոյթներով։

Հայաստանի վարչապետ Նիկոլ Փաշինեան եւ Ռուսաստանի նախագահ Վլատիմիր Փութին երէկ ունեցան հեռախօսազրոյց մը։ Պաշտօնական աղբիւրներու հաղորդումներով, անոնք քննարկեցին Արցախի շուրջ ստեղծուած իրավիճակը, Հայաստան-Ատրպէյճան սահմանի անվտանգութեան ապահովման հարցերը։

ՇԱՀԱՆ  ԳԱՆՏԱՀԱՐԵԱՆ

Արցախի ռազմաքաղաքական իրադարձութիւններու ամբողջ առանցքը հանգուցուած է նոյեմբերի 9-ի հրադադարի համաձայնութեան 6-րդ կէտին շուրջ:
6-րդ կէտ. «Հայաստանի Հանրապետութիւնը Ատրպէյճանի Հանրապետութեան կը վերադարձնէ Քելպեճէրի շրջանը մինչեւ 2020 թուականի նոյեմբերի 15-ը, իսկ Լաչինի շրջանը՝ մինչեւ 2020 թուականի դեկտեմբերի 1-ը:

ԺԻՐԱՅՐ ՉՈԼԱՔԵԱՆ

Հազիւ թէ Հայաստանի վերջին զինուորները օգոստոսի սկիզբին քաշուեցան Արցախէն՝ Ատրպէյճանի զօրքերը յարձակում գործեցին Բերձորի վրայ՝ պատրուակելով Արցախը Հայաստանին կապող, Ատրպէյճանի նոր կառուցած ճանապարհը գործածելու հայկական կողմին մերժումը։ 9 նոյեմբեր 2020-ի հրադադարի համաձայնագիրը պայման կը դնէ, որ Արցախը Հայաստանին կապող նոր ճանապարհի ուղեծիրը պէտք է որոշուի համաձայնագիրը ստորագրած իսկ երեք կողմերու հաւանութեամբ։

Օրթագիւղի Ս. Աստուածածին եկեղեցւոյ թաղ. խորհուրդը ինքնագլուխ դիմում մը կատարած է ընտրութեան ձեռնարկելու համար՝ միայն 800 հոգի նախատեսելով որպէս քուէարկու։
Համայնքային շրջանակները այս զարտուղի քայլը կը նկատեն ակնյայտ ոտնձգութիւն մը մեր ժողովուրդին դէմ եւ տխուր խափանարարութիւն՝ ուղղեալ թրքահայ ազգային-եկեղեցական կեանքի ներդաշնակութեան, ինչ որ դուռ կը բանայ անհանգստացուցիչ կասկածներու։ Ամենապատիւ Սրբազան Պատրիարք Հայրը շաբաթավերջին ատենապետ Իսքենտէր Շահինկէօզի նկատառման յանձնեց արդար վերապահութիւնները եւ յորդորեց վերատեսութեան ենթարկել որդեգրուած ընթացքը։ ERVAB վճռական յայտարարութիւնով մը հանդէս եկաւ՝ զգուշացնելով, որ կրնայ իրաւապահ մարմիններուն դիմել այս անարդարութեան կապակցութեամբ։