Լրահոս

Եւրոմիութեան եւ ՀԲԸՄ-ի Հայաստանի մասնաճիւղի խրախուսանքով կարեւոր նախաձեռնութիւն մը:
Զարգացման որոնումներ՝ արհեստավարժներու եւ հաստատութիւններու կատարելագործման ուղղեալ քննարկումներով:

Ներկայացումները նախատեսուած են նորարար փորձառական արուեստի կեդրոնի (ՆՓԱԿ) երդիքին տակ:
«Եոլճու» թատերախումբը եւ Լուսաւորիչ դպրաց դաս-երգչախումբը երկու ելոյթով հանդէս կու գան Հայաստանի մէջ:

Հանրապետութեան նախագահ Ռեճեփ Թայյիպ Էրտողան այսօր կը հիւրընկալէ Պաղեստինի Ինքնավարութեան ղեկավար Մամհուտ Ապպասը։ Յետմիջօրէի ժամերուն Պեշթեփէի համալիրէն ներս տեղի կ՚ունենայ դիմաւորման պաշտօնական արարողութիւնը, որմէ վերջ Էրտողան եւ Ապպաս կ՚ունենան առանձնազրոյց մը։

ՇԱՀԱՆ ԳԱՆՏԱՀԱՐԵԱՆ

«Սուրմալու»ի ողբերգութիւնը քանի մը ուղղութիւններով ուշացած հետեւութիւններու առիթ կու տայ:
Նախ եւ առաջ դէպքին ահաւորութիւնը ցաւակցելու, սգոյ օր յայտարարելու, զոհերու եւ ընդհանրապէս տուժածներու ընտանիքներուն ամէն տեսակի աջակցութիւն ցուցաբերելու հրամայականը կ՚ընդգծէ: 

Հայաստանի Ազգային անվտանգութեան ծառայութիւնը (ԱԱԾ) երէկ հանդէս եկաւ յայտարարութեամբ։ Այս առթիւ պարզաբանուեցաւ, որ Ատրպէյճան-Նախիջեւան տարանցման վերաբերեալ Հայաստանի տեղական կամ միջպետական նշանակութեամբ ճանապարհներու փակուիլը չի նախատեսուիր։

Շաբաթավերջին Մեծ կղզիի մէջ բացուեցաւ կղզեբնակ նկարիչներու աւանդական ցուցահանդէսը, որ այս տարի 77-րդ անգամ կազմակերպուած է։ Կղզեաց մշակոյթի կեդրոնի երդիքին տակ բացուեցաւ այս ցուցահանդէսը, որու կազմակերպչական աշխատանքները գլուխ հանուած են Թալին Էթեմէզի կողմէ։

Խոր ցաւով վերահասու եղանք, թէ մեր պաշտօնակից «Փարոս» ամսագրի գլխաւոր խմբագիր Մայտա Սարիս դժբախտութիւնը ունեցած է կորսնցնելու իր սիրեցեալ ամուսինը՝ Նաքի Սարիսը։

Երբ Հարաւային Կովկասէ ներս ուժերու վերադասաւորման գործընթացը ամբողջ թափով կը շարունակուի, Երեւան-Թիֆլիզ առանցքին տեսակէտէ երէկ յատկանշական իրադարձութիւն մը տեղի ունեցաւ։ Այսպէս, Հայաստանի եւ Վրաստանի սահմանին վրայ բացուեցաւ Բարեկամութեան կամուրջը։

Երէկ, Հայաստանի Անվտանգութեան խորհուրդի քարտուղար Արմէն Գրիգորեան եւ Ատրպէյճանի նախագահական աշխատակազմի արտաքին յարաբերութիւններու բաժնի վարիչ Հիքմէթ Հաճիեւ հանդիպում մը ունեցան Պրիւքսելի մէջ։

Սեւծովեան տնտեսական համագործակցութեան կազմակերպութեան (ՍԾՏՀԿ) մօտ Հայաստանի Հանրապետութեան մշտական ներկայացուցչութեան խորհրդական Նաղաշ Յակոբեան այսօր երեկոյեան հրաժեշտ կ՚առնէ քաղաքէս։ Ան Երեւան կը վերադառնայ աւարտած ըլլալով իր դիւանագիտական առաքելութիւնը Իսթանպուլի մէջ։